ӨДРИЙН СОНИН ҮНЭНИЙГ ХЭЛНЭ
Эдийн засаг
2018.06.05 03:06

“АА койн” цахим мөнгийг танилцуулав

Азийн орнуудын цахим мөнгө, Блокчайн бизнес эрхлэгчдийн холбооны гишүүн компани болох "MCC клауд" ХХК-ийн шинээр гаргаж буй “АА койн” цахим мөнгөний танилцуулга өнөөдөр боллоо. Энэхүү уулзалтад Азийн шилдэг цахим мөнгө гаргагчид болон олборлогчид оролцож, байр сууриа илэрхийлэв. Түүнчлэн MCC клауд ХХК-ийн Ерөнхийлөгч Рен Мин Е болон гүйцэтгэх захирал Танг Чин Хай, Цахим мөнгөний арилжааны платформ хариуцсан захирал Шин Пенг, Avex ХК-ийн ТУЗ-ийн дарга Фунаки Юкихиро, КМЖ стандарт ХХК-ийн гүйцэтгэх захирал Такахаши Акихиро нарын хүмүүс оролцлоо.

MCC клаудын гаргаж буй цахим мөнгөн нь койн хоорондоо гүйлгээ хийх мөн зөвшөөрөгдсөн мөнгөн тэмдэгтийн хооронд арилжаа хийгдэх боломжтойгоороо онцлогтой аж. “АА” цахим мөнгийг нийт хоёр тэрбум олборлох бололцоотой юм. Энэхүү койныг дан ганц улс бус томоохон гүрнүүд хамтарч байгаа нь эрсдэл багатайг харуулж буй аж. Азийн орнуудын цахим мөнгө, Блокчайн бизнес эрхлэгчдийн холбоо энэ оны гуравдугаар сарын 20-нд албан ёсоор байгуулагдсан байна. Холбооны ерөнхийлөгчөөр Д.Батбаяр ажиллаж байгаа ажээ.

Онцлох нийтлэлүүд