ӨДРИЙН СОНИН ҮНЭНИЙГ ХЭЛНЭ
Гадаад
2017.03.21 02:03

Абэ, Меркель нар уулзжээ

Японы Ерөнхий сайд Шинзо Абе Европын орнуудад хийх айлчлалынхаа хүрээнд өчигдөр Герман улсад хүрэлцэн ирсэн талаар “Ройтерс” агентлаг мэдээллээ. Ерөнхий сайд Абе айлчлалынхаа эхэнд Германы Канцлер Ангела Меркельтэй уулзсан байна.

Удирдагчид чөлөөт худалдааны асуудлаар голлон ярилцсан болохыг “NHK” агентлаг мэдээлэв. Уулзалт Ханнавер хотноо болсон Мэдээллийн технологийн “CeBIT” үзэсгэлэнгийн үеэр болжээ.

Уг үзэсгэлэнг Канцлер нээж, бизнес эрхлэгчидтэй уулзсан байна. Япон улс Европын холбооны хооронд байгуулах Чөлөөт худалдааны хэлэлцээрийг хурдасгахыг Канцлерээс хүссэн гэнэ.

“Чөлөөт худалдаа, нээлттэй хил хязгаар, ардчиллын үнэт зүйлсийн талаар маргалдаж байгаа энэ үед хоёр улс санал зөрөх асуудалгүйгээр ард түмэндээ ашигтай гэрэлт ирээдүйг харж буй нь сайны дохио” хэмээн Канцлер мэдэгджээ.

Онцлох нийтлэлүүд