ӨДРИЙН СОНИН ҮНЭНИЙГ ХЭЛНЭ
Гадаад
2019.09.13 01:09

Абэ Шинзо шинэ Засгийн газрын бүрэлдэхүүнээ танилцуулав


Японд өнгөрсөн долдугаар сард парламентын Дээд танхимын сонгууль болсон. Уг сонгуулиар эрх баригч Либерал-ардчилсан нам олонхи хэвээр үлдсэн. Харин лхагва гаригт Японы ерөнхий сайд Абэ Шинзо Засгийн газрын бүрэлдэхүүндээ халаа сэлгээ хийхээ мэдэгдсэн. Тэрбээр шинээр 13 сайдыг томилсон байна. Тухайлбал, Номхон далай дамнасан түншлэл болон Япон-АНУ-ын худалдааны хэлэлцээний гол төлөөлөгч Тошимицү Мотэгиг Гадаад хэргийн шинэ сайдаар томилсон байна. Тошимицү Мотэги нь Таро Коногийн халааг авж байгаа бол Т.Коно Батлан хамгаалахын сайдаар ажиллах юм. Японы Засгийн газрын шинэ гишүүн болох Шинжиро Коизимиг Байгаль орчны сайдаар томилжээ. Тэрбээр Либерал-ардчилсан намын өсөж яваа залуучуудын нэг. Тэрээр Японы Ерөнхий сайд асан Жүничиро Коизимигийн хүү юм байна.

Онцлох нийтлэлүүд