ӨДРИЙН СОНИН ҮНЭНИЙГ ХЭЛНЭ
Нийгэм
2019.10.10 03:10

​Азийн зарим улсын авлигатай тэмцэх туршлагаас суралцах семинар боллоо


“Азийн зарим улсын авлигатай тэмцэх туршлагаас суралцах нь” семинар өнөөдөр Блью Скай зочид буудлын, Топаз танхимд боллоо. Семинарт Азийн сангийн суурин төлөөлөгч Марк Кейнинг, судлаач Л.Галбаатар, Азийн сангийн засаглалын хөтөлбөрийн менежер А.Баянмөнх, Олон улсын зөвлөх, Хонконгийн Авлигатай тэмцэх газрын дэд дарга асан Тони Квок зэрэг хүмүүс илтгэгчээр оролцсон юм.

Тэрээр жил бүр “Транспэрэнси Интернэшнл”-ээс жил бүр гаргадаг Авлигын төсөл индексийн тайлангийн онооны тухайд “100” оноо авбал авлигагүй гэж үздэг бол “0” оноо авбал өндөр авлигатай орны тоонд ордог. Тэгвэл Солонгос улс дэлхийн 180 орноос 45-р байранд, 100 оноо авах ёстойгоос 57 авсан үзүүлэлт байдаг. Харин Монгол улсын хувьд 37 оноогоор 97-р байранд оржээ.

Бүгд найрамдах Солонгос улсын туршлага судлаач Л.Галбаатар: “Солонгос улсад хэрэгжиж байгаа хирнээ Монгол улсад байхгүй нэг зүйл бол шүгэл үлээгчийг хамгаалах нэг хууль юм. Солонгос улсын хувьд 2011 онд шүгэл үлээгчийг хамгаалах хуулиа баталж одоо хэрэгжүүлээд явж байна. Мөн шүгэл үлээгчийг хэрхэн хамгаалах вэ гэдэг механизм маш сайн зохицуулагдсан байгаа юм. Монгол улсын хувьд авлигатай тэмцэх үндэсний хөтөлбөрт шүгэл үлээгчээ хамгаалах зохицуулалттай болно гэж заасан байдаг. Тэгэхээр энэ зохицуулалтыг бий болгохдоо анхаарах харгалзаж үзэх туршлага бол Солонгос улс юм. Мөн өөр нэг зүйл нь төрийн бодлогын үйл ажиллагааг ил тод болгох чиглэлээр Солонгос улс маш сайн анхаарч ажилладаг. Энэ хүрээнд тусгайлсан цахим систем ажиллаж байгаа юм. Энэ нь иргэд төрийн байгууллагын албан тушаалтанд системээрээ дамжуулан өргөдөл гомдол гаргах явдал. Систем нь өөрөө өргөдөл гомдолыг хэн шийдвэрлэх вэ гэдгийг нь хувиарлаад хариуг нь бүрэн дүүрэн өгөхөд анхаардаг” гэлээ.

Тэгэхээр Монгол улсад хэрэгжүүлэх боломжтой эхний зүйл нь шүгэл үлээгчээ хамгаалах хуулийг баталж хэрэгжүүлэх, мэдээллийн ил тод байдлыг хангах цахим системийг ажиллуулах зэрэг байна.

М.Сайнзаяа

Онцлох нийтлэлүүд