ӨДРИЙН СОНИН ҮНЭНИЙГ ХЭЛНЭ
2018.04.23 11:04

Аймгийн арслан Д.Амаржаргал түрүүллээ

Нийтлэлч: gantulga gantu

Увс аймгийн харьяат улсын начин Ө.Сумьяагийн нэрэмжит аймаг цэргийн цолтой хүчит 256 бөхийн барилдаан ням гаригт "Алдар" спорт хорооны зааланд болж өндөрлөлөө.

Увс нуур бөхийн дэвжээнээс зохион байгуулсан барилдаанд Булган аймгийн Гурванбулаг сумын харьяат аймгийн арслан Д.Амаржаргал түрүүлж, Баянхонгор аймгийн Баянбулаг сумын харьяат аймгийн хурц бадрангуй арслан Н.Золбоо үзүүрлэсэн юм.

Их шөвөгт Дорнод аймгийн Цагаан-Овоо сумын харьяат аймгийн арслан Д.Ариунмөрөн, Увс аймгийн Тэс сумын харьяат аймгийн заан Ж.Ням-Эрдэнэ нар шалгарчээ. Уран барилдааны тусгай шагналыг Хөвсгөл аймгийн харьяат сумын заан Халтарын Бөхбаяр хүртсэн байна. Тэрээр энэ барилдаанд сумын цолтой бөхчүүдээс ганцаараа гурав давж аймгийн хурц арслан Н.Золбоод тахим буулгасан юм.

Сонирхуулахад улсын начин Ө.Сумьяа улсын заан Тулгаагын төрсөн дүү нь бөгөөд Монгол бөхийн өргөөний нээлтийн барилдаанд Увс аймгаасаа ирж олон шилдэг бөхчүүдийг давж шөвгийн гуравт шалгарч байжээ.

О.ДАШНЯМ