ӨДРИЙН СОНИН ҮНЭНИЙГ ХЭЛНЭ
Спорт
2018.09.08 02:09

Арслан Б.Жамьяндоржийн нэрэмжит барилдаан болно

Mонгол Улсын арслан Б.Жамъяндоржийн нэрэмжит өсвөр үеийн аймгийн аварга шалгаруулах үндэсний бөхийн барилдааныг энэ сарын 14-15-нд Гурванбулаг суманд зохион байгуулахаар болжээ. Монгол Улсын арслан, “Тэмээ өргөдөг” хэмээн алдаршсан Б.Жамьяндоржийн нэрэмжит өсвөр үеийн аймгийн аварга шалгаруулах үндэсний бөхийн барилдааныг 11-18 насны хоорондох зургаан насны ангиллаар зохиох юм. 16-гаас дээш гурван насны ангилалд түрүүлсэн бөх улсын аварга шалгаруулах барилдаанд зодоглох эрх авах аж.

Булган хангай нутгаас төрөн гарсан бөхчүүдээ алдаршуулах, залгамж халааг бэлтгэх, барилдааны арга барил, ур чадвар, арвин их өв уламжлал, туршлагыг залуу хойч үедээ өвлүүлэх зорилгоор энэ нэрэмжит барилдааныг 29 дэх жилдээ зохион байгуулж байгаа юм.

Онцлох нийтлэлүүд