ӨДРИЙН СОНИН ҮНЭНИЙГ ХЭЛНЭ
Нийгэм
2020.06.23 05:06

​АСЕАН-ы ээлжит чуулган онлайн хэлбэрээр явагдана


АСЕАН-ы 36 дахь дээд хэмжээний чуулга уулзалт зургадугаар сарын 26-нд онлайнаар явагдана. Энэ удаагийн хурлыг зохион байгуулагч орон нь Вьетнам. Тус улсын ерөнхий сайд Нгуен Суан Фука даваа гаригт теле уулзалт хэлбэрээр зохион байгуулах болсноо мэдэгджээ.

Төлөвлөгөө ёсоор Зүүн өмнөд Азийн орнуудын хамтын ажиллагааны нийгэмлэг буюу ACEAН-ы ээлжит чуулган өнгөрсөн дөрөвдүгээр сарын 8-9-ний хооронд болох байв. Гэвч коронавирусийн цар тахлаас үүдэн хойшлогдоод буй. Энэ удаагийн чуулга уулзалтын хүрээнд бүс нутгийн маргааныг шийдэхэд АСЕАН-ы үүргийг бэхжүүлэх, мөн бүс нутгийн хэмжээнд цахилгаан, хүнсний аюулгүй байдлыг хангах, байгалийн гамшгийн үр дагаврыг арилгахад хамтрах, үндэстэн хоорондын болон үндэстэн дамнасан гэмт хэргээс урьдчилан сэргийлэх, таслан зогсоох зэрэг өргөн асуудлыг хөндөх аж.

Д.ЦЭРЭНДОЛГОР


Онцлох нийтлэлүүд