ӨДРИЙН СОНИН ҮНЭНИЙГ ХЭЛНЭ
Нийгэм
2015.10.01 11:10

Ахмадууд баяраа тэмдэглэж байна

НҮБ-ын Ерөнхий асамблей 1992 оноос эхлэн жил бүрийн аравдугаар сарын 1-ний өдрийг Олон улсын ахмадын баяр болгон тэмдэглэхээр тунхаг бичиг гаргасан билээ. Үүний дагуу манай улс ч жил бүрийн энэ өдрийг ахмадын баяр болгон тэмдэглэдэг уламжлалт тогтсон.

“Ахмадын өдөр”-ийг тохиолдуулан энэ өдөр Нийслэлийн засаг даргын тамгын газар, Геронтлогийн үндэсний төвтэй хамтран “Хотжилтын орчинд настны оролцоо ба тогтвортой байдал” уриан дор өдөрлөгийг Чингэсийн талбайд зохион байгуулна.

Өдөрлөгийн үеэр “1000 настны хийн дасгалын үзүүлэх тоглолт”, 100 настнуудын иогын дасгалын тоглолт, “Улаанбаатар төмөр замын ахмадын холбоо” ТББ-ын “Сэтгэлийн эгшиг” урлагын тоглолт зэрэг урлаг соёлын үйл ажиллагаа болохоос гадна. Геронтологийн үндэсний төв, Дүүргүүдийн эрүүл мэндийн нэгдэл, 103 яаралтай түргэн тусламжийн нарийн мэргэжлийн эмч нарыг баг эрүүл мэндийн урьдчилан сэргийлэх үзлэг, шинжилгээг зохион байгуулж байна. Тус үзлэг шинжилгээнд:

• Дотор
• Зүрх судас
• Мэдрэл
• Уламжлат эмчилгээний эмчийн үзлэг
• Зүрхний бичлэг
• Ясны нягтрал тодорхойлох
• Хэвлийн чанд авиан шинжилгээ
• Бие бялдарын цогц үнэлгээ
• Захын судсанд санамсаргүй сахар тодорхойлох
• Артерийн даралт үзэх зэрэг үзлэг шинжилгээ хийнэ.

Онцлох нийтлэлүүд