ӨДРИЙН СОНИН ҮНЭНИЙГ ХЭЛНЭ
Онцлох нийтлэл
2020.08.12 11:08

А.Амбасэлмаа: 677 хүний шинжилгээнээс коронавирус илрээгүй


Өчигдөр ХӨСҮТ, Дарханд нийт 677 хүнд шинжилгээ хийхэд коронавирус илрээгүй. Өнөөдөр нийт 6 хүн эдгэрч, дараагийн шатны хяналт руу шилжлээ. Эдгэрсэн хүмүүс энхийг сахиулагчид, 07.29-нд Истанбулаас ирсэн хүмүүс юм.

Үүнд,

  • Наймдугаар сарын 11-ний өдөр Прага-Улаанбаатарын онгоцоор ирсэн 250 хүний шинжилгээ,
  • Долдугаар сарын 28-нд Сөүл-Улаанбаатарын онгоцоор ирсэн 264 хүний давтан шинжилгээ,
  • Ажиглан тусгаарлах байруудад ажиллаж байсан эмч, эмнэлгийн 21 ажилтны шинжилгээ,
  • Тандалтын зорилгоор цуглуулсан найман хүний шинжилгээ,
  • Дорноговь аймгийн Замын-Үүд суманд тусгаарлагдсан 6 хүний давтан шинжилгээ,
  • Дархан-Уул аймгийн нэгдсэн эмнэлэгт тусгаарлагдсан хоёр хүний давтан шинжилгээ,
  • Алтанбулагийн боомтоор орж ирсэн ачаа, тээврийн 21 жолоочийн шинжилгээ,
  • Орхон аймагт тусгаарлах байранд тусгаарлагдсан 71 хүний шинжилгээ,
  • Сэлэнгэ аймагт тусгаарлагдсан нэг хүний шинжилгээ,
  • Баруун хараа хотод тусгаарлагдсан 23 хүний шинжилгээ багтаж байна.

Ингээд өнөөдрийн байдлаар, манай улсад коронавирусийн 293 тохиолдол батлагдсан. Үүнээс 269 хүн эдгэрсэн байна.Эдгэрсэн хүмүүсээс 50 нь сувилалд, 26 нь гэртээ тусгаарлагдаж байгаа бол 193 хүний ажиглалт тандалтын хугацаа дуусжээ. Одоогоор ХӨСҮТ-д 24 хүн COVID-19 халдварын улмаас хэвтэн эмчлэгдэж тусгаарлагдаж байгаагийн элэгний хатууралтай, бөөрний хам дутагдалд орсон нэг хүний биеийн байдал маш хүнд байна.

Энэ оны нэгдүгээр сарын 08-наас эхлэн нийт 18793 хүнийг шинжилгээнд хамруулсны 293 нь батлагдаад байгаа юм.

Б.ОЮУНДАРЬ

Онцлох нийтлэлүүд