ӨДРИЙН СОНИН ҮНЭНИЙГ ХЭЛНЭ
Нийгэм
2014.11.27 09:11

Бохир ус хөрсөнд ил задгай асгахгүй байхыг анхаарууллаа

МХЕГ саяхан ус цэвэрлэх байгууламжуудын цэвэршүүлсэн гэх усны байдалд хяналт шалгалт хийжээ. Энэ шалгалтад аймаг, хот, хөдөөгийн ус цэвэршүүлэх 40 гаруй байгууламж хамрагдсан байна.

Улаанбаатар хотын төв цэвэрлэх байгууламж гэхэд олон улсын төрөл бүрийн технологиор үйлдвэрлэсэн тоног төхөөрөмжүүд эвлүүлэн суурилуулснаас эвдрэл гэмтэл их гарах шалтаг болжээ. Нийслэлийн бүх цэвэрлэх байгууламжууд бохир усаа шууд Туул гол руу нийлүүлсээр байна. Сонгины гүүрний орчимд гэдэсний савханцар үүсгэгч их хэмжээгээр гарчээ. Аймгуудын төвийн цэвэрлэх байгууламжууд эмнэлгийн бохир усыг шууд гол, булаг руу нийлүүлж байгаа зэрэг нийтлэг дутагдал илэрсэн байна. Мөн бохир ус хөрсөнд ил задгай асгахаас зайлсхийхийг МХЕГ-аас анхаарууллаа.

Онцлох нийтлэлүүд