ӨДРИЙН СОНИН ҮНЭНИЙГ ХЭЛНЭ
2017.06.23 07:06

Бэгзийн ЯВУУХУЛАН: Туулын урсгал шөнөдөө сайхан

Нийтлэлч: Өдрийн сонин

Туулын урсгал зурган илэрцүүд

Туулын урсгал шөнөдөө сайхан сан

Торгон долгио хаялан мяралздагсан

Хоёр ангир дандаа л хөвдөг сөн

Холын анир авангаа л дуугардаг сан.

Урсгалд нь умбагч сарыг ажин

Усанд нь хөвөгч оддыг тоолон

Бүүр түүрхэн тохиолдлоо дурсан

Үүр цайлгах би дуртай сан.

Шившин шивнэх залуу навчис

Шөнийн дуу над аялдагсан

Сөөг моддын нь нэгийг түшин

Шөнөжин сууж би сонсдог сон.

1957 он.