ӨДРИЙН СОНИН ҮНЭНИЙГ ХЭЛНЭ
Гадаад
2018.09.02 05:09

“Бүс ба Зам” санаачилгаас монголчууд бодит ашиг хүртэнэ гэв

Хятад улсын Төрийн зөвлөлийн гишүүн, Гадаад хэргийн сайд Ван И манай улсад энэ сарын 23-25-ны өдөр албан ёсны айлчлал хийсэн билээ.
Энэхүү айлчлалтай холбогдуулан Хятадын ГХЯ-ны Хэвлэлийн хурлын үеэр нэгэн сэтгүүлчийн асуусан “Ван И сайд Монгол улсад айлчлах үеэр тус улсын Төр засгийн удирдлагуудтай уулзалт хийсэн. Эдгээр уулзалтын үеэр Монгол улсын Төр засгийн удирдлагууд “Бүс ба Зам” санаачилгын хүрээнд хэрэгжиж буй төслүүд дээр хамтран ажиллах тал дээр хүчин чармайлт гаргах болно хэмээн байр сууриа илэрхийлж байсан. Үүнтэй холбоотой мэдээллийг өрнө үү? гэсэн асуултад Хятадын ГХЯ-ны албан ёсны хэвлэлийн төлөөлөгч Лу Кан хариулахдаа “Төрийн зөвлөлийн гишүүн, Гадаад Харилцааны сайд Ван И Монгол улсад албан ёсны айлчлал хийх үеэр Монгол улсын Ерөнхийлөгч, УИХ-ын даргад бараалхаж, ГХ-ны сайдтай албан ёсны хэлэлцээ хийсэн. Мөн Монгол улсын Ерөнхий сайдад бараалхаж, Монгол улсын баруун таван аймгийн холбогдох удирдлагуудтай уулзалт хийсэн”.
Дээрх уулзалтуудад Монголын талын удирдлагуудын зүгээс Монгол улсын “Хөгжлийн зам” санаачилгыг Хятадын “Бүс ба Зам” санаачилгатай уялдуулах ажлыг ахиулах сонирхолтой байгаагаа удаа дараа илэрхийлж байсан. Мөн Хятадын талтай дэд бүтэц, цахилгаан эрчим хүч зэрэг салбарт хамтын ажиллагаагаа нэмэгдүүлэх, Монгол-Хятад-Орос гурван улсын эдийн засгийн коридорын ажлыг түргэвчлэх хүсэлтэй байгаагаа илэрхийлсэн.
Ван И сайдын зүгээс Хятад, Монгол улсууд хамтран “Бүс ба Зам” санаачилгыг урагшлуулах нь нэгд, Монгол улсын дэд бүтцийн бүтээн байгуулалтыг түргэтгэх, тус улсын хөгжлийн саад тотгорыг арилгах, хоёрт, ард түмний амьдралыг сайжруулахад илүү анхаарал хандуулах боломжийг олгох, Монголын ард түмэн бүгдээрээ “Бүс ба Зам” санаачилгаас бодит ашиг хүртэх, гуравт, байгаль орчныг хамгаалах, Монголын талтай хамтран “Ногоон торгоны зам”-ыг бүтээн байгуулах, дөрөвт, Монгол улсын нөөц баялагийн давуу талыг эргэлтэд оруулах, Монгол улсын хөгжлийг солонгоруулж, тус улсын өөрийн тогтвортой хөгжлийг хангах чадварыг дээшлүүлэх зэрэг ашиг тустай.
Хятад, Монгол улс бол уул усаар холбогдсон найрамдалт хөрш орнууд. Монгол улс “Бүс ба Зам”-ын заяагдмал түнш орон. Монгол улс хамгийн түрүүнд тус санаачилгыг дэмжсэн орнуудын нэг. Бид Хятад, Монгол улс хамтран “Бүс ба Зам” санаачилгыг урагшлуулж, хоёр орны хамтын ажиллагаанд шинэ боломж, шинэ үүд хаалга нээж, хоёр орны эдийн засаг, нийгмийн хөгжлийг дэмжиж, бүс нутгийн хөгжил цэцэглэлтэд тус дэм болно хэмээн итгэж байна” гэв.

Онцлох нийтлэлүүд