ӨДРИЙН СОНИН ҮНЭНИЙГ ХЭЛНЭ
Эдийн засаг
2019.12.04 04:12

Гутлын бизнес эрхлэгчдэд үйлдвэрийн анхдагч үнээр хүссэн гутлаа хийлгүүлэх боломж нээгдлээ

Гутлын бөөний худалдааны Ой Партнерс ХХК гутлын жижиглэн худалдааны бизнес эрхлэгч харилцагчдадаа Худалдаа, хөгжлийн банктай хамтран 2019 оны 11-р сарын 22-ны өдөр “ОЙ СИНЕРЖИ – 2019” харилцагчийн хүлээн авалтыг зохион байгуулж, бизнес хамтын ажиллагаа, гутлын худалдааны салбарын өнөөгийн нөхцөл байдал, цаашдын хөгжлийн төлөв, технологийн боломжийн талаар ярилцлаа. Арга хэмжээгээр Ой Партнерс ХХК болон ХХБанкны хамтарсан кредит картыг гутлын худалдааны бизнес эрхлэгч эхний 50 харилцагчид бэлэглэн, эргэлтийн хөрөнгөө шийдэх боломжоор хангалаа. Мөн түүнчлэн хайлтын технологийн шинэ дэвшилд суурилсан Визуал хайлтын систем, Ой ухаалаг гар утасны аппликейшнаар дамжуулан гутал захиалах бизнес моделийн талаар бизнес эрхлэгчдэд танилцуулсан юм.

Ой Партнерс ХХК нь Монголын гутлын бөөний худалдааны зах зээлд дэвшил гаргаж, олон дамжлагат өндөр өртөг шингэсэн үнээр бус үйлдвэрийн анхдагч үнээр шууд үйлдвэрээс хэрэглэгчийн хүссэн загвараар, хамгийн бага тоо хэмжээгээр чанарын шаардлагад нийцсэн гутлыг нийлүүлэх боломжийг худалдаачдад олгож буй онцгой ач холбогдол бүхий технологийн компани юм.

Гутлын жижиглэн худалдаа эрхлэх сонирхолтой бизнес эрхлэгчдийн өмнө Ой Партнерс компанийн үүд хаалга нээлттэй бөгөөд хүссэн загвар дизайнаар шууд үйлдвэрлэгчээс захиалах боломжийг орчин үеийн технологи ашиглан, гар утасны ухаалаг аппликейшнээр дамжуулан олгож байна.

Хэрвээ та гутлын худалдааны бизнес шинээр эхлэх, өргөтгөх сонирхолтой байгаа бол Ой Партнерс ХХК -ийн 99980060, 99939333 утас руу холбогдож дэлгэрэнгүй мэдээллийг аваарай.


Онцлох нийтлэлүүд