ӨДРИЙН СОНИН ҮНЭНИЙГ ХЭЛНЭ
Нийгэм
2017.10.13 04:10

Г.Дэнзэнгийн шүүх хурлыг нээлттэй явуулахыг зөвшөөрөв

Related image

Г.Дэнзэн шүүх бүрэлдэхүүнээс татгалзах хүсэлтийг өмгөөлөгчөөрөө дамжуулан гаргасан ч шүүгчид хүсэлтийг хэрэгсэхгүй болгосон. Г.Дэнзэн мөн хорих ангиас Дээд шүүхийн ерөнхий шүүгчид хандан шүүх хуралдаанд өөрийн биеэр оролцох, шүүх хурлыг олон нийтийн мэдээллийн хэрэгслээр шууд дамжуулах хүсэлт гаргасан билээ.

Шүүхээс өөрийн биеэр шүүх хуралд оролцохыг хүссэнийг хүлээж авах боломжгүй гэж үзлээ. Харин шүүх хурлыг хэвлэл мэдэллийн хэрэгслээр нээлттэй хийх хүсэлтийг нь хангав. Шүүх хурал нээлттэй үргэлжилж байна.

Г.Дэнзэн Улсын дээд шүүхэд хандсан хүсэлтдээ “Намайг энэ долоо хоногт Улсын дээд шүүх хурлаар оруулж, дөрвөн жил гаруй үргэлжилсэн хэргийг эцэслэн шийдвэрлэх гэж байна. Энэ хэргийг олон түмнээс далд хаалттай хэлэлцэх гэж байна гэсэн болгоомжлол байгаа учраас Дээд шүүхийн ерөнхий шүүгчид хоёр хүсэлтийг гаргаж байна. Нэгдүгээрт шүүх хурлыг нээлттэй явуулж өгөөч. Хоёрдугаарт шүүх хуралд биечлэн оролцох хүсэлтэй байна. Би олон түмний өмнө юу болж өнгөрсөн, хууль хяналтын байгууллагынхан яаж дур зоргоороо аашилж, хүний хувь заяаг шийддэгийг яримаар байна” гэж өгүүлжээ.

Онцлох нийтлэлүүд