ӨДРИЙН СОНИН ҮНЭНИЙГ ХЭЛНЭ
Булангууд
2018.08.04 05:08

Дараагийн хорин жилд хэрэгцээнээс бүрэн гарах зүйлс

Нэгэн цагт бидний зайлшгүй хэрэгцээ байсан зүйлс технологийн хөгжлийг даган орхигдон мартагдах нь бий. Видео болон аудио хуурцаг, пейжер холбоо, компьютерийн уян диск зэргийг энд нэрлэж болно. Тэгвэл дараагийн хорин жилд таны хэрэгцээнээс бүрэн гарах зүйлсийг танилцуулж байна.

Машины хажуугийн толь

20 жилийн дараа хэрэгцээгүй болох зүйлс

Audi компани 2019 он гэхэд хажуугийн тольгүй машин үйлдвэрлэхэд бэлэн болжээ. Цаашид автомашины бүх үйлдлийг камерын системээр хянадаг болно. Мөн бензин хөдөлгүүр ч мартагдаж, цахилгаан машиныг өргөнөөр хэрэглэнэ.

Англид энэ оноос бүх барилга цахилгаан автомашины цэнэглэгчтэй болох бөгөөд эрх баригчид 2035 гэхэд хүн амын ихэнхийг байгаль орчинд ээлтэй тээврийн хэрэгсэл ашигладаг болгохоор төлөвлөж байна.

Алсын удирдлага

20 жилийн дараа хэрэгцээгүй болох зүйлс

Smart Home технологи нь бидний өдөр тутмын амьдралын нэг хэсэг болж байна. Та гэрийнхээ цахилгаан хэрэгслүүдийг таблет эсвэл ухаалаг утас ашиглан хянаж болно.

Бэлэн мөнгө ба зээлийн картууд

20 жилийн дараа хэрэгцээгүй болох зүйлс

Зузаан хэтэвч бүхий бэлэн мөнгийг банкны карт орлох болсоор удлаа.Тэгвэл одоо картны ч хэрэгцээ үгүй болох нь. Ухаалаг утас, цаг зэрэг төхөөрөмж байхад та бүхий л төлбөр тооцоогоо саадгүй хийнэ.

Түлхүүр

20 жилийн дараа хэрэгцээгүй болох зүйлс

20 жилийн хугацаанд энгийн түлхүүр бүрэн мартагдана. Мэдээж ухаалаг төхөөрөмжийн тусламжтайгаар орон гэрийнхээ аюулгүй байдлыг бүрэн хянах боломжтой.

Чихэвч

20 жилийн дараа хэрэгцээгүй болох зүйлс

Технологи хөгжүүлэгчид утасгүй чихэвчийг бидэнд санал болгоод төдий л удаагүй. Харин дараагийн ээлжинд утас чихэвчээ радио долгион эсвэл Wi Fi ашиглан цэнэглэдэг болох нь.

Тариур

20 жилийн дараа хэрэгцээгүй болох зүйлс

Энэ мэдээ сайн, муу хоёр талтай. Ирээдүйд ямар ч тариур хэрэгцээгүй болж, шинэ технологи зүү тариурыг орлоно. Эрдэмтэд 2 сонголт санал болгож байна. Jet injections гэх технологи нь шингэнийг агшин зуур арьсанд нэвчүүлж танд өвдөлт мэдрүүлэхгүй онцлогтой. Дотроо бичил зүү агуулах капсул нь шаардлагатай эм тэжээлийг цусны урсгалд агшин зуур хүргэх онцлогтой.

Хүргэлтийн үйлчилгээ

20 жилийн дараа хэрэгцээгүй болох зүйлс

Олон оронд хүргэлтийн үйлчилгээг хүмүүс биш тусгай дроноор гүйцэтгэдэг болж байна.

Гарын үсэг

20 жилийн дараа хэрэгцээгүй болох зүйлс

Цаас аль хэдийн хоёрдогч үүрэг гүйцэтгэж, биометрийн системийг өргөнөөр ашигладаг болж байна. Ухаалаг гар утас, АТМ машин ч аль хэдийн нүүрний онцлогоор хүмүүсийг таних боломжтой болсон.

Гялгар уут

20 жилийн дараа хэрэгцээгүй болох зүйлс

Байгальд задартлаа хэдэн зууныг элээдэг тул хүмүүс аль болох гялгар уутнаас татгалзах болсон. Дараагийн 20 жилд дэлхий нийтээр нийлэг уутнаас бүрэн татгалзана.

Компьютерийн хулгана

20 жилийн дараа хэрэгцээгүй болох зүйлс

Гар болон нүдний хөдөлгөөнөөр компьютерийг удирдах боломжтой. Шинэ технологи удахгүй таны байнгын хэрэглээ болно.

Онцлох нийтлэлүүд