ӨДРИЙН СОНИН ҮНЭНИЙГ ХЭЛНЭ
Соёл урлаг
2017.11.14 05:11

Дуурийн дуучин Э.Анхбаяр олон улсын тэмцээнээс дэд байр эзэлжээ

1Сонгодог хөгжмийн өлгий нутаг Австри Улсын нийслэл Вена хотод зохиогдсон олон улсын дуурийн дуулаачдын уралдаанд 39 орны 140 дуучдаас дуурийн дуучин Э.Анхбаяр дэд байр эзэлжээ. Тэрбээр өнгөрсөн онд Унгарын нэрт дуучин дэлхийн номер нэг дуурийн театрын гоцлол дуучин Ева Мартоны нэрэмжит олон улсын дуурийн дуучдын хоёрдугаар уралдаанд тэргүүн байр эзэлсэн билээ.

  • 2007 онд оюутан байхдаа ОХУ-ын Владивосток хотноо болсон дуурийн залуу дуучдын V уралдаанд II байр,
  • 2011 онд ОХУ-ын Улаан-Үд хотноо болсон "Байкал" олон улсын уралдаанд тусгай байр,
  • Улан-Үд хотноо болсон СССР-ийн ардын жүжигчин Л.Линховойн нэрэм­жит X урал­даанд "Лучший голос" шагнал болон Гран-при шагнал,
  • 2011 онд ОХУ-ын Москвад болсон М.Глинкийн нэрэмжит олон улсын дуурийн дуулаач­дын XXIV уралдаанд хоёр­дугаар байр,
  • 2014 онд ОХУ-ын Курск хотноо бол­сон Г.Свиридовын нэрэм­жит ОУ-ын дуурийн дууч­дын уралдаанд II байр эзэлсэн.

Мөн УДБЭТ-д ажиллаж байхдаа П.И.Чайковскийн “Евгений Онегин”, А.Моцартын “Дон Жуан”, Ж.Бизегийн “Кармен”, Ж.Вердийн “Травиата”, Ж.Пуччинийн “Богема”, Б.Дамдинсүрэнгийн “Учиртай гурван толгой”, Б.Шаравын “Чингис хаан” зэрэг томоохон дуурьд дүр бүтээж байсан билээ.


Онцлох нийтлэлүүд