Монголд өдрийн сонин л үнэнийг хэлж чаддаг
Гадаад
2017.01.14 11:01

Дүрвэгчдийг дэгээдэж унагасан зураглаач эмэгтэйд 3 жилийн тэнсэн харгалзах ял оноожээ

БУДАПЕШТ. /ВВС/. Унгар-Сербийн хилийн орчим цагаачдыг өшиглөж, дэгээдэн унагаасан зураглаач эмэгтэйд "зохисгүй үйлдэл гаргасан" гэх үндэслэлээр гурван жилийн тэнсэн харгалзах ял оноожээ.

2015 оны есдүгээр сард цагаачид, дүрвэгчид цагдаагийн хамгаалалтыг сэтлэн хилийн зурвасыг даван гүйх үеэр зураглаач Петра Ласло зураг авч байв.

Тэрбээр хоёр дүрвэгч, тэдний дотор нэг охиныг өшиглөж, дараа нь хүүгээ тэврэн гүйж байсан нэгэн эрэгтэйг дэгээдэн унагажээ.

Түүний энэ зохисгүй үйлдлийг харуулсан бичлэг нийгмийн сүлжээнүүдээр цацагдсаны дараа хүмүүс дургүйцлээ илэрхийлэх болсноор тэрбээр ажлаасаа халагдсан юм. Энэ эмэгтэй барууны төвч үзлийг сурталчилдаг “N1TV” телевизэд ажилладаг байв. Тэрбээр давж заалдана гэдгээ мэдэгджээ.

Онцлох нийтлэлүүд