Монголд өдрийн сонин л үнэнийг хэлж чаддаг
Спорт
2017.01.12 04:01

​Д.Отгондалай, Э.Энх-Амар нар хүрэл медалийн болзол хангав

Гавьяат дасгалжуулагч Вандуйн Батбаярын нэрэмжит сонирхогчдын боксын насанд хүрэгчдийн улсын аварга шалгаруулах тэмцээн гурав дахь өдрөө үргэлжилж байна. Эрэгтэйчүүдийн 37, эмэгтэйчүүдийн 13 дахь удаагийн тус тэмцээнд 39 багийн нийт 201 тамирчин эрэгтэй ес, эмэгтэй найман жинд өрсөлдөж буй юм.

Эрэгтэйчүүдийн 56 кг-д тоглож буй оюутны дэлхийн Универсиад наадмын аварга Х.Энх-Амар хүрэл медалийн төлөө тоглолтод Баянхонгорын Ж.Отгонбатыг ялж, хагас шигшээд шалгарлаа. Тэрээр жин өгсөж, 52 кг-д тоглож байгаа нь энэ. Мөнгөн медалийн төлөө тоглолтод В.Төмөрхуягтай тоглоно.

Мөн тэмцээний эрэгтэйчүүдийн 60 кг-ын медалийн төлөөх тоглолтод “Рио 2016” олимпийн наадмын хүрэл медальт, “Хилчин” спорт хорооны тамирчин, МУГТ Д.Отгондалай, Баянгол дүүргийн оролцогч Д.Түвшинтөртэй оноолт таарсан. Тэмцээний дундаас Д.Түвшинтөрийн дасгалжуулагч тамирчнаа дэвжээнд гаргахаас татгалзаж, улмаар МУГТ Д.Отгондалай хүрэл медалийн болзол хангалаа.


Онцлох нийтлэлүүд