ӨДРИЙН СОНИН ҮНЭНИЙГ ХЭЛНЭ
Спорт
2018.03.16 03:03

Европа лигийн шилдэг найман баг тодорлоо

Өчигдөр шөнө Европа лигийн тэмцээний шөвгийн 16-гийн шатны тоглолтууд боллоо.

Энэ шатны онцлох тоглолт аваргуудын лигийн долоон удаагийн аварга АЦ Милан Английн Арсенал багуудын хооронд явагдсан юм. Эхний тоглолт АЦ Миланы Сан Сиро цэнгэлдэхэд явагдаж 2:0-ээр Арсенал ялаад байсан тул АЦ Милан хоёр гоол хий даалгавартай талбайд гарсан юм.

Тоглолтын эхний үеийн 35 дахь минутад зочдын хагас хамгаалагч Хакан Чалханоглу алсын цохилтоор тооны харьцааг нээсэн ч удалгүй Арсеналын довтлогч Дэнни Вэлбэк 11 метрийн торгуулийн цохилтоо амжилттай гүйцэтгэн тоог тэнцүүлсэн. Харин шийдвэрлэх хоёрдугаар хагасын 71 дэх минутад Швейцарь тамирчин Гранит Чакагийн хүчтэй цохилтыг Миланы залуу хаалгач Жианлуйжи Доннарумма хаасан ч барьж чадалгүй хаалгандаа алдаж талбайн эзэд тэргүүлж эхэлсэн. Тоглолтын төгсгөлд Дэнни Вэлбэк хаалгачаас ойсон бөмбөгийг нэмснээр Лондоны “Их буучид” талбайдаа АЦ Миланыг 3:1-ээр буулган авч нийлбэр дүн 5:1-ээр дараагийн шатанд шалгарсан байна.

Еюропа лигийн шилдэг наймд шалгарсан багууд

  • Арсенал (Англи),
  • Реб Булл Зальцбург (Австри),
  • Марсель (Франц),
  • Лайпциг (Герман),
  • Лацио (Итали),
  • Спортинг (Португал),
  • ЦСКА Москва (ОХУ),
  • Атлетико Мадрид (Испани) клубууд шалгарч үлдээд байна.

Онцлох нийтлэлүүд