ӨДРИЙН СОНИН ҮНЭНИЙГ ХЭЛНЭ
Улс төр
2017.03.21 05:03

Ерөнхий сайд Ж.Эрдэнэбат ОХУ-д айлчилна

Холбоотой Зураг

Монгол Улсын Ерөнхий сайд Ж.Эрдэнэбат ирэх дөрөвдүгээр сард ОХУ-д айлчлал хийхээр болжээ. Одоо бэлтгэл хангаж буй аж.

Энэ асуудлыг Монгол Улсын Шадар сайд, Монгол, Оросын Засгийн газар хоорондын комиссын Монголын хэсгийн дарга У.Хүрэлсүх ОХУ-ын Ерөнхийлөгчийн Хэрэг эрхлэх газрын орлогч дарга Павел Михайлович Фрадковтой өнөөдөр/2017.03.21/ уулзах үеэр онцлон ярилцсан байна.

Ерөнхий сайд Ж.Эрдэнэбатын хувьд ОХУ-д хийх айлчлал хоёр дахь гадаад айлчлал нь болох юм. Өнгөрсөн онд тэрбээр Япон улсад айлчилсан юм.

Мэргэжлийн Засгийн газар байгуулагдсаныхаа дараа хөдөө аж ахуйн салбарыг хөгжүүлэхэд онцгойлон анхаарч ажиллахаа мэдэгдэж байсан удаатай.

Иймээс дээрх салбарыг хөгжүүлэх талаар хойд хөрштэй хамтарч ажиллах чиглэлээр яриа хэлэлцээр хийгдэж мэдэх юм.

Онцлох нийтлэлүүд