Нийгэм
2016.04.04 01:04

Жирэмсэн эхийн хэрэглэдэг амин дэмүүд хөнгөлөлттэй эмийн жагсаалтад багтлаа

Нийгмийн даатгалын үндэсний зөвлөлийн тогтоолоор өнгөрсөн сарын 25-нд жирэмсний амин дэмүүдийг хөнгөлөлттэй үнээр авах эмийн жагсаалтад багтаажээ. Үүнд Эливет, Пренетал, Пананги, Mineralis эм болон зарим витамин багтсан байна. Ингэснээр эмийн сангуудаар 69 мянган төгрөгөөр худалдаалагддаг Эливет, 70 мянган төгрөгөөр худалдаалагддаг Пренеталыг хөнгөлөлттэй үнээр буюу 25 мянган төгрөгөөр худалдан авах боломжтой болжээ. 12 мянган төгрөгөөр худалдаалагддаг Панангийнийг 7000 төгрөгөөр, Mineralis 4000-9000 төгрөгийн хооронд авах боломж бүрдэж байгаа юм. Өвдөлт намдаах, халуун бууруулах, үрэвслийн эсрэг, халдварын эсрэг бэлдмэл, вирусийн эсрэг бэлдмэл зэрэг төрөлд нийт 404 төрлийн эм бэлдмэлийг багтаажээ.

Хөнгөлөлттэй үнээр олгох эмийн жагсаалтыг энэ сарын 1-нээс мөрдөж эхэлсэн бөгөөд хөнгөлөлттэй үнээр үйлчилнэ гэсэн тодотгол бүхий эмийн сангуудаас авах боломжтой.

Онцлох нийтлэлүүд