ӨДРИЙН СОНИН ҮНЭНИЙГ ХЭЛНЭ
Эдийн засаг
2020.03.27 03:03

Засгийн газар: ААН, компаниудын НДШ-ийг зургаан сарын хугацаанд тэглэх шийдвэр гаргалаа

У.Хүрэлсүх: Би та нараас айхгүй, эртхэн мөр мөрөө хөөгөөрэй ...

Монгол Улсын Ерөнхий сайд У.Хүрэлсүх мэдээлэл хийж байна. Тэрээр "Засгийн газраас ард иргэдийнхээ эрүүл мэндийг хамгаалах чиглэлээр нийт 200 тэрбумыг гаргаж байна. Эрүүл мэндээ хамгаалахаас гадна эдийн засгаа хамгаалахад тодорхой арга хэмжээ авахад анхаарч байгааг хэлэв. Эдийн засгийн хүндрэлийг даван туулахад дараах арга хэмжээнүүдийг авч хэрэгжүүлж байна" гэв. Эдийн засгийн хүндрэлийг даван туулахад дараах арга хэмжээнүүдийг авна.

1. IV сарын 1-нээс эхлэн X сарын 1-ны хугацаанд Нийгмийн даатгалын шимтгэлээс бүх аж ахуйн нэгжийг бүрэн чөлөөлж, тэглэж байна.
2. Энэ хугацаанд иргэдийн цалин хөлснөөс орлогын албан татвар авахгүй.
3. 1.5 тэрбумаас доош орлоготой ААН-ийг ААНОАТ-аас бүрэн чөлөөллөө.
4. Үйл ажиллагаа нь хүндэрсэн ч ажлын байраа хадгалж байгаа ААН-үүдийн ажилтнуудад гурван сарын хугацаанд сар бүр 200 мянган төгрөгийн дэмжлэг олгоно.
5. Малчдаас ноолуур авахад зориулж 3%-ийн хүүтэй 300 тэрбум төгрөгийн зээл олгоно. Зээлийг Засгийн газар хариуцна.
6. Бүх шатны боловсролын байгууллагын үйл ажиллагаа түр зогссонтой холбогдуулан 18 насны хүүхэд бүр өгдөг 20 мянган төгрөгийг гурван сарын хугацаанд сар бүр 10 мянган төгрөгөөр нэмэгдүүлж, хүүхдийн мөнгийг 30 000 төгрөг болгож байна.
7. Шатахууны үнийг дөрөвдүгээр сарын 15-наас литр тутамд 300-400 төгрөгөөр бууруулна.


Онцлох нийтлэлүүд