Гадаад
2014.12.29 05:12

Италийн 478 зорчигчтой хөлөг онгоц осолджээ

Италийн 478 зорчигчтой онгоц Грекийн арлын ойролцоо шатаж, хөмрөгдсөн байна. Аврах багийнхан шуурхай ажилласны үр дүнд 221 зорчигчийг далайн уснаас гаргаж авсан ч нэг хүн амиа алдаж, хэдэн арван зорчигч гэмтэж, бэртсэн болохыг Италийн Тэнгисийн цэргийн алба баталжээ. Амь үрэгдэгсдийн тоо өсөх магадлалтай гэж Эргийн хамгаалалтын алба мэдээлэв. Итали, Албанийн тэнгисийн цэргийн хүчнийхэн аврах ажиллагаанд оролцож байгаа бөгөөд хүчтэй аадар бороо орж, салхины хурд цагт 100 км хүрсэн нь багийн ажилд саад учруулж байгаа ажээ. Осолдсон хөлөг онгоцыг ANEK нэртэй Грекийн компани эзэмшдэг байжээ. Зорчигчдын 278 нь Грекийн иргэн, үлдсэн нь Герман, Австри, Турк, Франц, Нидерландчууд байсан гэж Ройтерс уламжлав.
B57g_lGCQAAl0ga

Онцлох нийтлэлүүд