ӨДРИЙН СОНИН ҮНЭНИЙГ ХЭЛНЭ
Гадаад
2018.06.14 02:06

​Их Британийн хатан хаан албан ёсны арга хэмжээнд оролцоно


Их Британийн хатан хаан Элизавета эзэн хааны гэр бүлийн шинэ гишүүн, Суссексийн гүнгийн ахайтан Меган Марклын хамтаар пүрэв гарагт тус улсад болох албан ёсны арга хэмжээнүүдэд оролцохоор болсон тухай “Ройтерс” агентлаг мэдээлэв.

Меган Маркл өөрийн нөхөр хунтайжаас тусдаа албан ёсны арга хэмжээнд анх удаа оролцох гэж байгаа нь энэ юм. Их Британийн 92 настай хатан хаан болон 36 настай Меган нар тус улсад сүүлийн жилүүдэд хэрэгжүүлсэн дэд бүтцийн томоохон төслүүдийн нэг болох Мерси гол дээр тавьсан гүүрийн албан ёсны нээлтийн ёслолд оролцох аж.
Дараа нь тэд Честер хотод шинээр байгуулж буй номын сан, кино театр болон театрын цогцолборын нээлтийн ажиллагаанд оролцож, сургуулийн сурагчдын тоглолтыг үзэж сонирхох гэнэ.
Хунтайж Харригийн ажлын албанаас өмнө нь мэдээлснээр, “Энэ оны сүүлээр Хунтайж, эхнэрийн хамтаар Австрали, Фижи арал, Тонга болон Шинэ Зеланд зэрэг орноор аялахаар төлөвлөж байгаа” ажээ.

Онцлох нийтлэлүүд