ӨДРИЙН СОНИН ҮНЭНИЙГ ХЭЛНЭ
Гадаад
2017.04.21 12:04

Канадын арлын эрэгт аварга том мөсөн уул хөвж иржээ

Канадын Ньюфаундлэнд арал дээрх Феррилэнд хотод байгалийн нэгэн гайхамшигт үзэгдэл болжээ. Учир нь маш үзэсгэлэнтэй, аварга том мөсөн уул тус хотын эрэгт ойртон иржээ. Энэхүү мөсөн уулыг Улаан өндөгний баяраар өөрийн нүдээр үзэх гэсэн иргэд Феррилэнд хот руу орох замд түгжрэл үүсгэсэн байна.

Энэ мужийн эрэг дагуух газрыг нутгийнхан “Мөсөн уулсын өргөн чөлөө” хэмээн нэрийддэг аж. Энд жил бүрийн хавар Арктикаас салсан олон тооны мөсөн уулс хөвөн ирдэг гэнэ.

Энэ удаа эрэгт ойртон ирсэн аварга мөсөн уул хөрсөнд суусан учраас эндээсээ холдохгүй байх хэмээн Феррилэнд хотын дарга Эйдриан Кавана ярьсан байна. Мөсөн уул хотын эрэгт ингэж ойрхон ирсэн нь жуулчдад зураг авах ховор боломжийг олгож өгчээ.


Онцлох нийтлэлүүд