ӨДРИЙН СОНИН ҮНЭНИЙГ ХЭЛНЭ
Гадаад
2014.06.29 12:06

Ким Жөн Ун пуужингийн туршилтыг удирджээ

Умард Солонгосын удирдагч Ким Жөн Ун пуужингийн туршилтыг өөрийн биеэр удирдан явуулсан талаар ЦТАК агентлаг мэдээлжээ. Тус улсын эрдэмтэд шинэ пуужинг бүтээхдээ Оросын X-35 загварын пуужинг ашигласан бөгөөд туршилт амжилттай болсон гэнэ. Зарим эх сурвалжид Хойд Солонгос Японы тэнгисийн зүүн өмнөд хэсэгт ойрын тусгалтай гурван пуужин хөөргөсөн талаар мэдээлж байна.  

АНУ-ын Батлан хамгаалахын яамнаас тус улсад шинээр боловсруулсан пуужингийн туршилтыг буруушаан, Ким Жөн Унг дахин ийм төрлийн туршилт явуулахгүй байхыг сануулжээ. Ирэх долоо хоногт БНХАУ-ын дарга Өмнөд Солонгост айлчлах юм. Умард Солонгосын төрийн тэргүүний уг үйлдэл нь Солонгосын хойг дахь нөхцөл байдлыг дахин хурцатгаж болох юм хэмээн ажиглагчид онцолжээ.  

Д.Цэрэндолгор

Онцлох нийтлэлүүд