Нийгэм
2016.04.05 03:04

Малын галзуу өвчин гарч, хорио цээрийн дэглэм тогтоожээ

Архангай аймгийн Ихтамир суманд хоёр үхэр, Говь-Алтай аймгийн Шарга суманд нэг үхэр галзуугаар өвчилсөн болох нь батлагдаж, сумын засаг даргын захирамжаар 14 хоногийн хугацаатай хөл хорио тогтоожээ.

Өнөөдрийн байдлаар Булган, Архангай, Хэнтий, Өмнөговь, Өвөрхангай, Ховд аймгийн есөн суманд малын галзуу өвчний хорио цээрийн болон хязгаарлалтын дэглэм үргэлжилж байна.

Мөн улсын хэмжээнд Зоонозын өвчин судлалын төвд, хүний өвчний сэжигтэй байж болзошгүй нийт 35 яаралтай дуудлага хүлээн авснаас, галзуугийн эрсдэлд өртсөн, хачигт халдвар, боомийн хүний өвчлөлийн гурван сэжигтэй тохиолдол илрээд байна. Тухайлбал, Сэлэнгэ аймгийн Түшиг сумаас хачигт риккексиозын сэжигтэй нэг тохиолдол бүртгэгдэж, дуудлагын дагуу сорьц авч ЗӨСҮТ-ийн Ийлдэс судлалын лабораторит хүлээлгэн өгсөн байна.

Онцлох нийтлэлүүд