ӨДРИЙН СОНИН ҮНЭНИЙГ ХЭЛНЭ
Спорт
2015.02.02 07:02

Манай тамирчид Өвлийн спортын II наадмын эхний өдөр зургаан медаль хүртжээ

Канад улсын Кюбек хотноо дэлхийн ахмад тамирчдын Өвлийн спортын II наадам өнгөрөгч нэгдүгээр сарын 30-ны өдөр эхэлсэн билээ. Энэхүү наадамд манай ахмад тамирчид оролцохоормордсон.

Манай тамирчид тэмцээний эхний өдрөө гүйлтийн тэшүүрээр зургаан медаль хүртсэн гэх баяртай мэдээ ирлээ.

Тодруулбал ОУХМ Л.Алтанцэцэг гүйлтийн тэшүүрийн 500 метр, 1500 метр тус бүрт нь алтан медаль, Спортын мастер Н.Эрдэнэтуяа 500 метр, 1500 метр тус бүрт нь хүрэл медаль, спортын мастер Д.Санчирбилэг 500 метрт алтан медаль, 1500 метрт хүрэл медаль нийтдээ зургаан медаль хүртсэн бахдам амжилт үзүүлсэн байна.

Ийнхүү манай баг тамирчид Канад улсын Кюбек хотын тэнгэрт төрийн дуулалаа эгшиглүүлж, алтан соёмбот далбаагаа мандуулж, медалийн буухиаг амжилттай эхлүүлээд байна.

Манай тамчирчид маргааш 1000 метрийн тэшүүрийн гүйлтийн уралдаанд хүчээ сорих юм.

Онцлох нийтлэлүүд