ӨДРИЙН СОНИН ҮНЭНИЙГ ХЭЛНЭ
Спорт
2018.02.15 11:02

Монголын тамирчид өнөөдрөөс өрсөлдөнө

Түрүү долоо хоногт эхэлсэн өвлийн олимп амжилттай үргэлжилж байгаа билээ. Өнөөдөр манай тамирчид өөрсдийн төрөлдөө тэмцээнээ эхлүүлнэ.

Манай улсыг төлөөлж гүйлтийн цанын төрөлд хоёр тамирчин оролцож байгаа бөгөөд өнөөдөр ОУХМ Ч.Отгонцэцэг 14:30 цагаас Алпенсиа төвд уралдах юм. Түүний хувьд гүйлтийн цанын эмэгтэйчүүдийн 10 км-ийн зайд уралдана. Манай тамирчин нь Сочи 2014 олимпид мөн уралдаж байсан туршлагатай билээ.

Тэрбээр өнгөрсөн онд ДАШТ-ий В ангилалд шагналт дөрөвдүгээр байранд орсон амжилттай юм. Цанын багийн дасгалжуулагчаар ОУХМ Х.Хаш-Эрдэнэ ажиллаж байна.

Харин үлдсэн нэг тамирчин болох ОУХМ Б.Ачбадрах 16-ны 14:00 цагаас уралдах хуваарьтай байгаа. Түүний хувьд мөн В ангилалын ДАШТ-ээс хүрэл медаль хүртэж байжээ.

Онцлох нийтлэлүүд