ӨДРИЙН СОНИН ҮНЭНИЙГ ХЭЛНЭ
Спорт
2019.06.07 02:06

Монголын шигшээ баг тэмцээнээ дуусгалаа

Image result for 3x3

Монгол Улсад багийн төрлийн /ДАШТ/ анх удаа болж байна. Сагсан бөмбөгийн 3х3 төрлийн 18 хүртлэх насны ДАШТ-д эрэгтэй, эмэгтэй нийт 40 баг өрсөлдөж байгаа бөгөөд өнөөдөр медалийн эзэд тодорно. Д.Сүхбаатарын талбайд болж буй “FIBA 3×3 U18 World Cup 2019” ДАШТ-ий эрэгтэй 20 багаас Монгол Улсын шигшээ баг шөвгийн наймд үлдээд байсан. Энэ цагт хасагдах шатны тоглолт Монгол, Туркийн тоглолтоор эхэлж 21:18 харьцаагаар Туркийн шигшээ багийн ялалтаар өндөрлөж, манай залуус тэмцээнээ дуусгалаа. 18 хүртэлх насны ДАШТ-ий шилдэг дөрвөн багийн нэгээр үлдээд байгаа Туркийн баг “А” хэсэгт Итали, Словани, БНХАУ, Йорданы багуудыг дараалан хожиж, 100 хувийн амжилттайгаар хэсгээ тэргүүлж, улмаар Монголын багийг хожлоо.

Анх удаа ДАШТ-д өрсөлдсөн Монгол Улсын шигшээ баг “С” хэсэгт Латви, Беларус, Гүржийн багуудыг хожиж, АНУ-д хожигдсоноор хэсгийн хоёрдугаар байраар шалгарч шилдэг наймд үлдсэн ч Туркийн шигшээ багт ялагдал хүлээж тэмцээнээ өндөрлүүллээ.

Онцлох нийтлэлүүд