ӨДРИЙН СОНИН ҮНЭНИЙГ ХЭЛНЭ
Гадаад
2017.08.12 12:08

Морокко 2026 оны ДАШТ-ий өрсөлдөөнд нэгдлээ

2026 оны Хөлбөмбөгийн ДАШТ-ийг хүлээн авах эрхийн төлөө Америк тивийн 3 орон дангаар өрсөлдөж магадгүй байсан. Тэгвэл энэ өрсөлдөөнд өөр нэгэн орон нэмэгдэн орж ирсэн нь Африкийн хөлбөмбөгийн холбооны гишүүн орон Морокко болсон байна.

2015 онд эбола вирусын халдвараас шалтгаалан Африкийн цомын тэмцээнийг маш тулгуу хүлээн авсан ч тун сайн зохион байгуулсан тус улс эрхийн өрсөлдөөнд нэрээ өгсөн 4 дэх орон болж байгаа юм. Одоогоос 2 жилийн өмнө ОУХБХ-ны ерөнхийлөгч асан Зефф Блаттер авлигын хэрэгт холбогдсон бөгөөд энэ хэргийн дараа 2026 оны ДАШТ-ий шалгаруулалтыг дахин эхлүүлэх шийд гаргасан билээ.

Одоогоор энэ шалгаруулалтад АНУ, Канад, Мексик улсуудаас гадна Морокко улс ийнхүү нэгджээ. Өмнө нь 2010 онд Өмнөд Африкт ДАШТ болж байсан нь Африкт болсон цорын ганц тэмцээн юм. Морокко улсын хувьд ийнхүү 5 дахь удаагаа Дэлхийн аваргын эрхийн төлөө өрсөлдөхөөр болж байгаа аж.

2026 оны ДАШТ-ийг хүлээн авах орны нэр 2020 оны 8-р сард тодрох билээ.


Онцлох нийтлэлүүд