Нийгэм
2014.12.31 02:12

МУИС-ийн захирал А.Галтбаяр ажлаа хүлээлгэн өгчээ

МУИС-ийн захирал А.Галтбаяр ажлаа өчигдөр албан ёсоор хүлээлгэн өгсөн байна. Түүний албыг БСШУЯ-ны газрын дарга н.Бат-Эрдэнэ хүлээн авчээ. Түүнийг удаа дараа дүрэм журам зөрчиж, буруутай үйл ажиллагаа явуулсан гэдгийг АТГ, Шударга өрсөлдөөн хэрэглэгчийн төлөө газар тогтоосон байдаг. А.Галтбаяр нь МУИС-ийн захирлын албан тушаалыг нэг жил гаруй хугацаанд хашсан бөгөөд энэ хугацаандаа тус сургуулийн шинэчлэлийг эхлүүлсэн нэгэн гэдэг. Түүний хийсэн шинэчлэл нь МУИС-ийн багш нар болон оюутнуудын зүгээс нэлээд шүүмжлэл, эсэргүүцэлтэй тулгарч байсан. Уг зөрчил нь МУИС-ийн бүрэлдэхүүн 16 сургуулийг нэгтгэхээс эхэлсэн бөгөөд багш нарын зүгээс түүнийг сонгон шалгаруулахдаа хууль зөрчсөн хэмээн тайлбар хэлж байсан билээ.

Онцлох нийтлэлүүд