ӨДРИЙН СОНИН ҮНЭНИЙГ ХЭЛНЭ
Нийгэм
2017.08.14 11:08

Мунзуй хочит Г.Нямдоржийг шүүх хурал хаалттай болж байна

Баянгол дүүргийн Эрүүгийн хэргийн анхан шатны шүүхэд мунзуй хочит Г.Нямдорж нарт холбогдох шүүх хуралдаан эхэллээ. Гурван удаа хойшилж байсан шүүх хурал хаалттай болж байна. Мунзуй хочит Г.Нямдоржийг Эрүүгийн хуулийн тусгай ангийн 149.3-ийн бусдыг далайлган сүрдүүлсэн, 125.2-ийн бэлгийн дур хүслээ ёс бусаар хангасан, 252.2-ийн нотлох баримтыг хуурамчаар бүрдүүлж, зориуд худал мэдээлсэн хэргээр шүүж байгаа юм. Түүний хамт С.Мөнхбат, Ч.Нямдаваа, М.Дондовсамбуу, Б.Баяржаргал, О.Баттуяа, С.Баттуяа нарын зургаан хүнийг шүүнэ.

Г.Нямдоржийг саатуулан хорьж байгаад өнгөрсөн оны аравдугаар сарын 20-нд суллаж, батлан даалтад гаргасан хэдий ч найм хоногийн дараа өдөр зүсээ хувирган, Сэлэнгэ аймгийн хилээр ОХУ руу хил давах гэж байгаад Эрүүгийн цагдаагийн алба хаагчдад баривчлагдан хоригдсон билээ

Онцлох нийтлэлүүд