ӨДРИЙН СОНИН ҮНЭНИЙГ ХЭЛНЭ
Спорт
2018.07.03 09:07

Насер Чадли Белгийн баатар болов

Энэ тулаанд хүчирхэг Белгүүд Азийн төлөөлөл Японыг хялбархан аргалж шөвгийн наймд шалгарна гэж мэргэжилтнүүд таамаглаж байсан. Гэсэн ч салбар бүрт адтай “Самурай”-нууд гэнэтийн бэлэг Белгийг барьц алдуулсан.

Тоглолтын эхний үед Япон нягт хамгаалж Белгид довтлох боломж олгосонгүй. Харин хоёрдугаар үеийн 48 дэх минутад талбайн төвөөс сулхан дамжуулсан бөмбөгийг Ян Вертонген цэвэрлэж чадсангүй. Үүнийг нь Япон довтлогч Харигучи өршөөсөнгүй. Тэргүүлэл авсан Японууд хамгаалж урьтал болгосонгүй. 52 дахь минутад Такаши Ину багийнхаа тэргүүллийг баталгаажуулсан.


Энэ дэлхийнхожигдол амсаагүй байсан Улаан чөтгөрүүдэд гэртээ харих аюул нүүрлэв. Гэхдээ шилдэг бүрэлдэхүүнтэй Оросд газардсан Белгийн шигшээ амар бууж өгөхийг хүссэнгүй. 64 дэх минутад төвийн хамгаалагч Ян Вертонген гоол оруулж “хонгилын үзүүрт гэрэл асаасан”. Тэнцээний гоолын төлөө багтаа хагас хамгаалагч Феллани 74 дэх минутад авчирсан. Энэ үеэс Японы багийн эмх цэгц алдагдаж эхлэв. Тоглолтын үндсэн цаг өндөрлөж шүүгч ийн мэдлийн цаг үргэлжилж байхад Белгийн багийн сөрөг довтолгоог Насер Чадли гүйцээж баатарлаг гавьяа байгуулсан юм.

Белгийн шигшээгийн дараагийн өрсөлдөгч нь Бразилчууд байх болно

О.ДАШНЯМ

Онцлох нийтлэлүүд