ӨДРИЙН СОНИН ҮНЭНИЙГ ХЭЛНЭ
Онцлох нийтлэл
2020.01.26 12:01

НОМ ЯРЬЖ ӨГЬЕ: “Икигай” буюу урт удаан жаргалтай амьдралын нууц


Хэктор Гарсиа ба францез Мираллэсын бүтээсэн энэ ном япончууд хэрхэн урт удаан аз жаргалтай амьдардаг нууцаас өгүүлжээ. Икигай гэдэг нь ерөнхийдөө “Ямагт завгүй байхын жаргалан” гэж орчуулагдаж болно гэж өгүүлжээ. Мөн уншигчдыг урт удаан жаргалтай, эрүүл саруул амьдруулж өөрийн икигайг олоход тусална гэж бичжээ. Япончууд хүн бүрийг өөрийн икигайтай гэж үздэг аж. Энэ бол оршихуйн шалтгаан гэж нэрлэсэн ч удаатай байдаг. Хүн бүр икигайгаа олох ёстой бөгөөд зарим нь аль хэдийнэ үүнийгээ олсон байдаг. Дуртай ажлаа үнэн сэтгэлээсээ хийх, түүгээрээ амьдрахыг л хэлээд байгаа ном юм. Тэтгэвэрт гарсан ч идэвхтэй хөдөлмөрлөж амьдарч байх бөгөөд япон хүмүүс хэзээ ч тэтгэвэрт гардаггүй, эрүүл мэнд нь доройтоогүй цагт дуртай зүйлээ хийсээр л байдаг. Ийнхүү нийгмийн хамаарал өндөртэй байж икигайгаа олж амьдрах нь эрүүл хоолны дэг жаягтай дүйцэхүйц, магадгүй түүнээс ч илүү ач холбогдолтойд тооцогддог байна. Дэлхийн өндөр нас насалдаг бүсүүдэд судалгаа хийхэд тэд бүгд икигайгаа олсон байдаг бөгөөд үүн дээр зөв хооллох, тогтмол дасгал хөдөлгөөн хийх, мах болон лаазалсан бүтээгдэхүүн бага хэрэглэж, архи тохируулан ууж стресс багатай байх үүднээс цагаа сайн тохируулдаг. Хүч шаардсан дасгалаас зайлсхийж ногооны талбайдаа ажиллаж, алхах гэх зэргээр хөдөлгөөнтэй байхыг эрмэлздэг байна. Хооллохдоо ходоодныхоо 80 хувийг дүүргээд зогсоодог байна. Үүнийг нэг үгээр хэлбэл, цадахаасаа өмнө зогсоох, их идсэн мэт сэтгэгдэл төрүүлэхийн тулд олон жижиг дийз, тавагтай хоол байлгах, тэр нь ганц хоёр савхдахад л дуусдаг байхаар ширээ засдаг аж. Хоолны араас диссерт зэргийг идэх нь ихдээд явчихдаг аж. Мөн хүмүүс нь хоорондоо насан туршийн холбоотой байх нь чухал гэнэ. Нийгмийн идэвхтэй амьдрах гэж бид ярьдаг даа, нэг тийм маягтай, нийлж төрсөн өдөр,уулзалт цуглаан, шатар даам тоглох гэх мэт. Хөгшрөлтөөс зайлсхийх хурд гэж юу вэ. Хүн төрөлхтөн сүүлийн 100 жилд жил тутам 0,3 жилийг наслалтдаа нэмсээр иржээ. Хэрэв технологийн хүчээр жилд нэг жилийг наслалт дээрээ нэмсээр ирвэл хөгшрөлтөөс зайлсхийх хурдад хүрч үхэшгүй мөнх болно. Залуу байхад нөлөөлдөг гол хүчин зүйл бол идэвхтэй, аливаад дасан зохицдог сэтгэлгээтэй байх ётой. Тархинд шинэ мэдээлэл өгч бүх юмыг хурдан шинээр тусгаж авч сурах хэрэгтэй. Стресс бол урт наслалтын дайсан аж. Гэхдээ таарсан бага зэргийн стресс бол бэрхшээл саадыг даван туулахад хэрэг болдог учир байхад гэмгүй. Зорилготой хүн зорилгогүй хүнийг бодвол хамаагүй дээр байдаг аж. Нэг их тайван налгар байдал урт наслалтад муугаар нөлөөлнө гэж номд өгүүлжээ. Хөдөлгөөн, нойр хоёр урт наслалтыг дэмждэг, хөгшрөлтийг сааруулдаг мелатонин хэмээх бодисын ялгаруулалтад сайн нөлөөтөй гэнэ. Хөгшрөхийн эсрэг оюун ухааны хүч асар нөлөөтэй. Урт настай хүмүүст нийтлэг хоёр чанар байдаг. Эерэг хандлага ба сэтгэл хөдлөлөө ухамсарлах чадвар юм. Аливаа бэрхшээл тулгарахад эерэг хандлагатай байж, сэтгэл хөдлөлөө жолоодож чаддаг хүмүүс урт наслах хандлагатай. Хийж байгаадаа бүрэн төвлөрөх нь та өөр юу ч үл бодон цаг хугацаа зөвхөн одоо цаг дээр зогсож, ухаан бодол чинь нэг оршихуй мэт нэгдэнэ. Хувиа хичээх үзэл чинь энэ хүрээд сарнин одох бөгөөд чи хийж байгаа зүйлийнхээ нэг хэсэг болон хувирна. Өглөө босоод л дуртай зүйлдээ шунан дурлаж түүнээсээ сэтгэл ханамжийг авах нь хүмүүст маш чухал ач холбогдолтой. Бүрэн төвлөрөх төлөвт шилжин туйлын сайхан мэдрэмжийг мэдрэх тэр ур чадвар бол икигай юм. Энэ бол архи тамхи, амттан чихэр шоколад гэх мэт түр зуурын зугаа өгдөг зүйлийн оронд бүрэн төвлөрөх зүйлд илүү цаг зарцуулах ёстой аж. Бүрэн төвлөрөхөд тодорхой зорилттой байх, мөн өөрийн оюун санаанд саад болох зүйлийг хэрхэн бодохгүй байхыг мэддэг байх хэрэгтэй. Зорилгодоо хэт автахгүйгээр үүнийг санаж байх ёстой. Зохиолчид хоёр сарын дараа зохиолоо өгөх ёстой ч түүнээ барихгүйгээр дэмий юм хийсээр өдөр өнгөрөөдөг. Зүй нь шууд л барьж аваад бичиж эхлэх ёстой юм. Өөрийн дуртай зүйлээ бусдаас хамгаалахын төлөө түүндээ зарж байгаа цагаа харамлахын тулд икигайгаа олсон хүмүүс ганцаараа байх нь түгээмэл. Аяга угаах гэх мэтийн жижиг зүйлд ч төвлөрч сурах ёстой. Түүнийгээ өөрийн бий болгосон арга техникээр хийн жаргал эдлэх нь уйдаж цөхөхгүй байх нэг боломж юм. Энэ бүх төвлөрөл бол икигайдаа ойртох, түүнээ олох арга юм. Та хийж байгаа ажилдаа бүрэн төвлөрч түүнээсээ аз жаргал мэдэрч, орчин тойрноо умартаж зөвхөн одоо цаг дээр амьдарч байвал икигайгаа олсон гэсэн үг. Энэ бүхэн чинь танд ашиг орлого, утга учир, цаашид амьдрах урам зориг өгч байвал та икигайгаа олжээ.

Онцлох нийтлэлүүд