ӨДРИЙН СОНИН ҮНЭНИЙГ ХЭЛНЭ
Нийгэм
2014.12.04 05:12

НХҮЕГ-ын дарга Д.Баярсайханы цагдан хорих хугацааг сунгалаа

"Мөнгө угаасан" хэргээр Засгийн газрын хэрэгжүүлэгч агентлаг Нийгмийн халамж үйлчилгээний ерөнхий газрын дарга Д.Баярсайхан болон нэр бүхий дөрвөн хүнийг саатуулан шалгаж эхэлсэн юм. Д.Баярсайхан нь дүү нарынхаа компаниар дамжуулан нийгмийн халамжийн мөнгийг угаадаг байсан байж болзошгүй хэрэгт сэжиглэгдэн саатуулагдсан юм.

Саатуулахаас өмнө удаан хугацаанд мөрдлөг, шалгалт хийсэн гэдгийг албаныхан мэдэгдэж байна. Энэ шалгалтын үеэр Д.Баярсайханы нэг дүүгийн нэр дээр халамжийн мөнгөнөөс санхүүждэг таван компани байсан аж. Мөн Д.Баярсайханыг шалгах явцад УИХ-ын гишүүн С.Эрдэнэтэй холбоотой хэд хэдэн ноцтой зөрчлүүд илэрсэн байна.

Ямартай ч одоогоор түүнийг саатуулан шалгаж байгаа бөгөөд түүний өмгөөлөгчийн зүгээс батлан даалтад гаргах хүсэлт гаргасан ч цагдан хорих хугацааг нь сунгасан талаар баттай эх сурвалж мэдээллээ.

Онцлох нийтлэлүүд