ӨДРИЙН СОНИН ҮНЭНИЙГ ХЭЛНЭ
Спорт
2014.07.03 05:07

Н.Түвшинбаяр “Чингис хаан Гранпри”-д зодоглохгүй

Жүдо бөхийн “Чингис хаан Гранпри” тэмцээн маргааш Буянт-Ухаа спортын ордонд 11.00 цагт эхэлнэ.

Тэмцээний нээлтийн үйл ажиллагаа 16.00 цагт эхлэх бол финалын барилдаан 17.00 цагаас тус тус явагдана.

Өнөөдөр тэмцээний албан сугалаа явагдлаа.

-100кг-д олимпийн аварга Н.Түвшинбаяр байсангүй. Энэ талаар МЖБХ-ны гүйцэтгэх захирал М.Бөхбатаас тодруулахад “Н.Түвшинбаяр гэмтэл авсан учраас энэхүү тэмцээнд зодоглох боломжгүй болсон. Үүнд бид маш их харамсалтай байгаа. Гэхдээ гэмтлийн хувьд хэсэг хугацааны дараа бүрэн эдгэрэх боломжтой” гэсэн хариултыг өглөө.

Лондонгийн олимпийн -100кг-д алтан медаль авсан ОХУ-ын тамирчин Тайгер Хайбулаев энэхүү тэмцээнд зодоглох юм.  

Эх сурвалж news.gogo.mn

Онцлох нийтлэлүүд