ӨДРИЙН СОНИН ҮНЭНИЙГ ХЭЛНЭ
Спорт
2019.11.05 12:11

“Осака Их дуулга-2019”-д манай жүдоч хүч үзнэ


Японы Осака хотноо 11 дүгээр сарын 22-24-нд жүдо бөхийн “Осака Их дуулга-2019” тэмцээн болох бөгөөд энэ удаа 101 орны 646 жүдоч /эрэгтэй 376, эмэгтэй 270/ хүчээ сорихоор мэдүүлгээ ирүүлжээ.

Осакагийн Их дуулгад Япон улсаас хамгийн олон буюу 56 жүдоч хүч үзэх бол Франц, ОХУ-аас 28 жүдоч, Герман 26, БНХАУ 17, Бразил, Азербайжан, Нидерланд, Португал 16, Узбекстан 15, Монгол Улсаас 14 жүдоч хүч, ур чадвараа сорих юм байна.

Монголын шигшээ багийн бүрэлдэхүүнийг танилцуулахад, эрэгтэйчүүдээс 60 кг-д Л.Өнөболд, Э.Ариунболд, 66 кг-д Д.Төмөрхүлэг, Г.Хэрлэн, 73 кг-д Ц.Цогтбаатар, 81 кг-д О.Ууганбаатар, Н.Дагвасүрэн, 90 кг-д Г.Алтанбагана, 100 кг-д Л.Отгонбаатар, +100 кг-д О.Цэцэнцэнгэл, Н.Түвшинбаяр, Эмэгтэйчүүдээс 48 кг-д М.Уранцэцэг, 52 кг-д Л.Сосорбарам, 57 кг-д Д.Сумъяа нар багтжээ.

“Осака Их дуулга-2019” тэмцээний хуваарь:

11 дүгээр сарын 22-нд - Эрэгтэй 60, 66 кг, эмэгтэй 48, 52, 57 кг

11 дүгээр сарын 23-нд - Эрэгтэй 73, 81 кг, Эмэгтэй 63, 70 кг

11 дүгээр сарын 24-нд - Эрэгтэй 90, 100, +100 кг, Эмэгтэй 78, +78 кг

Онцлох нийтлэлүүд