ӨДРИЙН СОНИН ҮНЭНИЙГ ХЭЛНЭ
Спорт
2014.06.18 08:06

О.Гүндэгмаа Дэлхийн цомоос дахин мөнгөн медаль хүртжээ

Монгол Улсын Хөдөлмөрийн баатар, олимпийн мөнгөн медальт О.Гүндэгмаа Словений Марибор хотод болж буй буудлагын дэлхийн цомын тэмцээний эмэгтэйчүүдийн 25 метрийн спорт гар бууны дасгалд Германы мэргэн буудагчтай аваргын төлөө өрсөлдөж, түүнээс хоёр онооны дутуу амжилтаар Дэлхийн цомын мөнгөн медаль хүртсэн байна.

Уг дасгалд 69 буудагч буудсанаас МУГТ О.Гүндэгмаа 584 оноогоор гуравдугаар байраар шигшээд 21 оноотой шалгарч Германы буудагч Моника Карсчтай халз буудаж 7:5 оноогоор дэд байр эзэлсэн бол хүрэл медалийг Болгарын Антонета Бонева хүртжээ. Энэ ангилалд өрсөлдсөн Монгол Улсын гавьяат тамирчин, Германы иргэн Д. Мөнхбаяр 579 оноогоор 14 дүгээр байрт шалгарсан байна.

Онцлох нийтлэлүүд