ӨДРИЙН СОНИН ҮНЭНИЙГ ХЭЛНЭ
Спорт
2018.04.22 07:04

Пеликанс хоёрдугаар шатанд шалгарлаа

Дорнод бүсийн гуравдугаар байраарплей оффт шалгарсан Портланд Трейл Блейзерс эхний шатанд Нью Орлион Пеликансд цуврал тоглолтод 4:0-ээр “шүүрдүүлж” улирлаа өндөрүүллээ.

Хоёр багийн цувралын дөрөв дэх тоглолтөнгөрсөн шөнө явагдаж Пеликанс131:123-аар ялалт байгуулсан юм. Энэ тоглолтод цувралын турш шилдэг тоглолт үзүүлж байгаа холбогч Жрү Холидей гялалзаж 40 оноо, найман оновчтой дамжуулалт өгч багаа хожилд хөтөлсөн байна.Багийн төвийн тоглогч Энтони Девис47 оноо, 11 самбар авч үүргээ сайн биелүүлжээ. Мөн туршлагатай холбогч Ражон Рондо 16 оновчтой дамжуулалт өгч чухал үүрэг гүйцэтгэсэн юм. Харин хожигдох эрхгүй талбайдгарсан Портланд Трейл Блейзерсээс довтлогч СЖ Маккалум 38 оноо авч багаа тэргүүлжээ. Тэрээр 22 довтолгооныхоо 15-ыг нь амжилттай болгосон байна. Багийн ахлагч Лиллардын тааруу тоглолт энэ өдөр ч үргэлжилж 19 онооавсан юм. Лиллард тоглолтын турш 16 довтолгоо гүйцэтгэж долоог нь л амжилттай болгожээ. Ийнхүү улиралдл 49 хожил байгуулж бүсийн аваргын төлөө өрсөлдөх тааварт байсан Портланд нэгдүгээр шатнаас л өрсөлдөөнийг орхиж байна.

О.ДАШНЯМ

Онцлох нийтлэлүүд