ӨДРИЙН СОНИН ҮНЭНИЙГ ХЭЛНЭ
Редакцийн нийтлэл


Саруул хотхоны 113 байрны 10 давхарт ахуйн газ дэлбэрч, нэг иргэний биеийн 80 хувь нь түлэгдэж ГССҮТ-д хүргэгдсэн байна.

Тодруулбал, Тагтан дээрх ахуйн хэрэглээний газ дэлбэрсний улмаас тус дүүргийн харьяат иргэн А /22 настай, эрэгтэй, нүүр, гар, цээж, баруун хөл түлэгдсэн/ биеийн 80 хувь түлэгдэлтэй/ байсныг ГССҮТ-д хүлээлгэн өгчээ.

Тус байрны тагт нь битүү шиллэсэн байсан бөгөөд тагтан дээр нь ахуйн хэрэглээний улаан өнгийн газ алдсан байсан. Хохирсон иргэн газ алдсаныг мэдэлгүй тагтан дээрээ тамхилахаар гараад тамхиа асаахад дэлбэрэлт болжээ. Дэлбэрэлтийн улмаас тагтны шил хагарч доош унасан боловч хүн гэмтээгүй байна.

Иймд иргэд ахуйн хэрэглээний газыг хэрэглэхдээ болгоомжлох, тагтан дээрээ тамхилахаас аль болох сэргийлэхийг сэрэмжлүүлж байна.