ӨДРИЙН СОНИН ҮНЭНИЙГ ХЭЛНЭ
Нийгэм
2017.06.19 01:06

Р.Чойномын 13 ботийн нээлт маргааш болно

Монгол Улсын төрийн соёрхолт, яруу найрагч Р.Чойномын “Эрх чөлөө”, “Уур минь хүрч байна” хос цомог, “Р.Чойном” нэртэй түүний зохиол бүтээлийн 13 ботийн нээлт болон эрдэм шинжилгээний хурал маргааш Хүүхдийн төв номын санд болно.

Уг арга хэмжээг Р.Чойномын өвийг хамгаалах “Өд” сангаас зохион санаачлан зохион байгуулж байгаа юм байна. Эхний ботиудад түүний шүлэг, найраглал, шүлэглэсэн тууж, роман, орчуулгын бүтээлүүд байх бөгөөд сүүлийн ботиудад түүний тухай дурсамж, хууч, яриа, сурвалжлага, ярилцлага, шинжлэл, судалгаанууд багтжээ.

Р.Чойномын өвийг хамгаалах “Өд” санг 2003 онд байгуулсан бөгөөд түүний уран бүтээлийн өвийг хадгалан хамгаалах, түгээн дэлгэрүүлэх, сурталчлан судлах, судалгаа шинжилгээний ажлыг дэмжих зорилготой аж.

Онцлох нийтлэлүүд