Монголд өдрийн сонин л үнэнийг хэлж чаддаг
Нийгэм
2017.01.13 05:01

​Сангийн сайд харьяа байгууллагуудынхаа ажилтай танилцлаа

Сангийн сайд Б.Чойжилсүрэн харьяа байгууллагуудынхаа ажилтай танилцаж байгаа гэнэ. Өчигдөр тэрбээр Татварын ерөнхий газар, Гаалийн ерөнхий газрын ажилтай танилцаж, удирдлагуудтай нь уулзсан байна. Татварын болон Гаалийн байгууллагуудын удирдлагууд өнгөрсөн жилд хийж хэрэгжүүлсэн ажлууд, Улсын төсвийн бүрдүүлэлт, гүйцэтгэл, өнөөгийн ажлын явц, 2017 оны ажлын төлөвлөгөө зэргийг Сангийн сайдад дэлгэрэнгүй танилцуулжээ. Түүнчлэн байгууллагуудынхаа нөхцөл байдал, хүндрэлтэй тал, тулгамдаад буй асуудлуудыг ч мөн хөндөж ярьсан байна.

Б.Чойжилсүрэн сайд дээрх байгууллагуудын удирдлагуудад хандаж:
-Тулгараад буй эдийн засгийн хүндрэлийг даван туулахад Монгол Улсын төсвийн дийлэнх хувийг бүрдүүлдэг татвар, гаалийн байгууллагуудын үүрэг хариуцлага өндөр. Улсын төсвийн орлого нэмэгдүүлэх чиглэлийг онцгой анхаарах, батлагдсан бүтэц орон тооныхоо хүрээнд менежментийг сайжруулан, иргэд байгууллагуудад шуурхай үйлчлэн ажиллахыг үүрэг болгожээ. Мөн тухайн байгууллагуудын нийт албан хаагчдад шинэ гарсан 2017 онд эрүүл саруул байж эрч хүчтэй, амжилт, бүтээмж дүүрэн ажиллахыг ерөөсөн байна.


Онцлох нийтлэлүүд