ӨДРИЙН СОНИН ҮНЭНИЙГ ХЭЛНЭ
Нийгэм
2014.12.04 02:12

С.Жавхлан шинэ жилээр халтуур хийхгүй, шууд тоглолт хийнэ

Шинэ жилийн уур амьсгал хаа сайгүй оржээ. Харин нөгөө талд нь урлаг соёлынхон хоолойгоо тордож хэчнээн байгууллагын шинэ жилд уригдан, ямар ханшаар дуулахаа бэлтгэж байгаа нь лавтай. Эхнээсээ үнэ ханш нь тодорхой болж байр сууриа олчихсон хэсэг нь өндөр дуугарч байгаа сурагтай.

Тэгвэл МУГЖ дуучин С.Жавхлан шинэ жилийн ямар нэгэн арга хэмжээнд оролцохгүй болсон талаар хэвлэлийн бага хурал хийжээ. Ямарваа нэгэн тоглолтод хамгийн өндөр үнээр дуулдаг дуучин маань энэ жил ямар ч халтуур хийхгүй хэмээсэн нь гайхал төрүүлж байна.

Гавъяатын хувьд Тэрбээр "Эдийн засгийн хямрал ихтэй үед сая саяар нь мөнгө үрж байхаар хоол хүнсгүй иргэдэд энэ мөнгөө зарцуулья" хэмээн мэдэгдэж байгаа сурагтай. Гэхдээ мөнгөнд дургүй хэн байхав. Шинэ жилийн халтуур хийхгүй ч шууд тоглолт хийхээр болжээ. Тоглолтын орлогоос эмзэг бүлгийн иргэдэд зориулах гэнэ.

Онцлох нийтлэлүүд