ӨДРИЙН СОНИН ҮНЭНИЙГ ХЭЛНЭ
Гадаад
2017.03.15 04:03

Телевизийн шууд эфир явж байхад хүүхдүүд нь орж ирж саад болжээ

Саяхан Өмнөд Солонгос дахь ВВС-н телевизийн судлаач Prof Kelly гэрээсээ шууд эфирт цаг үеийн мэдээллийг дамжуулж байх үеэр бага насны хоёр хүүхэд нь цаанаас нь орж ажилд нь саад болж буй бичлэг цахимаар цацагдаж олон сая хүний хандалтыг авчээ. Тэр үед эхнэр нь нөгөө өрөөндөө тэрхүү шууд дамжуулалтыг үзэж сууж байжээ. Ингээд хүүхдүүд нь гэнэт эфирт орж ирэхийг хараад араас нь тэрээр орж хүүхдүүдээ сандран авч гарчээ. Энэхүү бичлэгийг олон сая хүн үзсэн бөгөөд Kelly-н эхнэр нь солонгос хүн бөгөөд хосолмол соёлт гэр бүлийн байдал ихээхэн дуулиан тарьж анхаарлыг нь илүүтэй татсан байна.

Ихэнх хүмүүс хүүхдүүдийг авч гарсан эмэгтэйг хүүхэд асрагч нь гэж таамаглаж байжээ. Энэхүү таамаглал, эргэлзээг тайлж Рrof Kelly болон түүний эхнэр Жан-а Ким нар хүүхдүүдийн хамт болсон явдлын талаар BBC-н нэвтрүүлэгт оролцжээ. Тэд ярихдаа, “Үнэхээр хөгжилтэй байсан ч жаахан санаа зовж байсан. Гэхдээ олон хүмүүс эерэгээр хүлээж авсанд баяртай байна. Ийм тохиолдол ВВС-ийн түүхэнд гарч байгаагүй анхных нь тохиолдол боллоо” гэжээ.

О.ӨНӨР

Онцлох нийтлэлүүд