Монголд өдрийн сонин л үнэнийг хэлж чаддаг
Нийгэм
2017.01.13 01:01

Томуу өвчнөөс шалтгаалж эмнэлгүүдийн орны ачаалал нэмэгджээ

Нийслэлийн хэмжээнд нэгдүгээр сарын 9-ний байдлаар амбулаторийн 98985 үзлэг хийснээс томуу, томуу төст өвчинтэй 9873 тохиолдол оношлогджээ. Энэ нь нийт үзлэгийн 10.0 хувийг эзэлж буй аж. Гэхдээ өнгөрсөн долоо хоногийн дунджаас 2.2 хувиар буураад байгааг Нийслэлийн эрүүл мэндийн газрын дарга Л.Төмөрбаатар хэллээ.

Нийт өвчлөгсдийн 77.49 хувийг 0-9 насны хүүхэд эзэлж буй бөгөөд орны ачаалал 16.4 хувиар нэмэгджээ. Үүнтэй холбогдуулан шинээр 400-гаад ор нэмсэн байна. Мөн Сонгинохайрхан дүүргийн нэгдсэн эмнэлэгт хүүхдийн 50 ор шинээр байрлуулжээ. Цаашид улсын хоёрдугаар төв эмнэлэгт хүүхдийн 30 ор нэмж ажиллуулах, Батлан хамгаалах яамны цэргийн эмнэлэгт 50 ортой хүүхдийн тасаг шинээр нээх бэлтгэл ажлыг хангасан байна.


Онцлох нийтлэлүүд