ӨДРИЙН СОНИН ҮНЭНИЙГ ХЭЛНЭ
Онцлох нийтлэл

Жүдо бөхийн ДАШТ-ий +100 кг-ийн жинд өрсөлдөж буй ОУХМ Өлзийбаярын Дүүрэнбаяр их шөвөгт шалгарлаа.

Манай тамирчин В хэсэгт багтсан бөгөөд эхний даваандаа хийлж, хоёрдугаар тойрогт Венесуэлийн Педро Пинедаг өчих мэхээр, гуравдугаар тойрогт Кубын Энди Грандаг даралтаар цэвэр ялсан.

Улмаар В хэсгийн аваргын төлөөх барилдаанд олимпийн мөнгөн медальт Японы Хисаёши Харасаваг үүрэх мэхээр цэвэр ялснаар шөвгийн дөрөвт үлдлээ. Тэрбээр мөнгөн медалийн төлөө Гүржийн бөх Гурам Тушишвилитэй хүч үзнэ.