ӨДРИЙН СОНИН ҮНЭНИЙГ ХЭЛНЭ
Гадаад
2014.05.08 10:05

Украины цэргүүд Славянскт дахин тусгай ажиллагаа явууллаа

Уржигдраас өчигдөрт шилжих шөнө Украины цэргүүд Донецк мужийн Славянск хотод дахин тусгай ажиллагаа явууллаа. Энэ үеэр хотын захад хоёр удаа хүчтэй дэлбэрэлт болсон тухай оршин суугчид мэдээлэв. Бүх л шөнийн туршид  бүх дүүрэгт буудалцаан болж оршин суугчид гадаа гарахаас айж ажил дээрээ хоносон байна. Украины цэргүүд хотын телевиз зэрэг стратегийн чухал ач холбогдолтой хэд хэдэн газруудыг эзлэн авахаар тэмцэж Оросын талыг дэмжигчид эсэргүүцэл үзүүлсээр байна. 

Мөн Донецк мужийн Мариуполь хотод ч тусгай ажиллагааг зохион байгуулжээ. Уржигдар өглөө хар хувцастай хүмүүс хотын зөвлөлтийн байрыг эзлэн авч дотор нь байсан Оросын талыг дэмжигчдийг гаргаж төв талбай дээр байсан майхан зэргийг бульдозер машинаар зайлуулжээ. Энэ үеэр Орон нутгийн хүчний байгууллага Оросын талыг дэмжигч 11 хүнийг баривчилсан байна. Ийнхүү Украины эрх баригчид зүүн нутгийг мэдэлдээ авахаар нэлээд хэдэн хоногийн туршид цэргийн ажиллагаа явуулж байна. Харамсалтай нь өнөөдрийг хүртэл дорвитой үр дүнд хүрсэнгүй. 

Онцлох нийтлэлүүд