ӨДРИЙН СОНИН ҮНЭНИЙГ ХЭЛНЭ
Гадаад
2014.05.28 01:05

Украин хийн өрөө зургадугаар сар гэхэд төлж эхлэх нь бололтой

 Орос Украин хоёр хийн өрийн хэсгийг  барагдуулах талаар тохиролцсон гэнэ. Энэ талаар  ОХУ-ын Эрчим хүчний сайд Александр Новак  Берлинд хийгдсэн Орос, Украин Европын холбооны хэлэлцээрийн дүнгээр хийлгэсэн хэвлэлийн бага хурлын үеэр мэдэгджээ. 2.5 тэрбум долларын өр төлөгдөж магадгүй гэнэ. Оросын тал хийн өр төлөгдөж,  үнийн талаар тохиролцож чадвал урьдчилсан төлбөрийн системийг Украинд хэрэглэхгүй байх боломжтой гэж салбарын сайд нь онцолжээ. Украины Эрчим хүчний сайд Юрий Проданын мэдэгдэж байгаагаар бол хэлэлцээр дээр тодорхой тохиролцоо хийгдээгүй аж. Украин мянган шоо метр хийг 268 доллараар авах хүсэлтэй байгаа гэнэ. Оросыг Стокгольмын даван заалдах шүүхэд өгнө гэсэн Украйны байр суурь хэвээрээ байгаа бололтой. Европын Эрчим хүчний комиссар Гюнтер Эттингерийн хувьд Украин тавдугаар сарын 29 ба зургадугаар сарын 7-нд хоёр шилжүүлэгээр  хийн өрийн хэсгийг төлнө гэж үзэж байна.  

Онцлох нийтлэлүүд