ӨДРИЙН СОНИН ҮНЭНИЙГ ХЭЛНЭ
Нийгэм
2014.08.01 03:08

Улаанбаатар хотын банк орон сууцны ипотекийн зээл олгож байна гэв

Улаанбаатар хотын банкнаас орон сууцны зээл олгож байгаа талаараа мэдэгдэл гаргажээ. Уг мэдэгдэлд “Улаанбаатар хотын банк нь Монгол улсын Засгийн газар, Монгол банкнаас хэрэгжүүлж буй жилийн найман хувийн хүүтэй ипотекийн зээлийг өөрийн салбар, нэгжээрээ дамжуулан хэвийн хэмжээнд олгож байгаа. Гэтэл хэвлэл мэдээллийн зарим хэрэгсэлээр тус банкийг жилийн найман хувийн хүүтэй ипотекийн зээлийг олгохгүй байхаар шийдвэрлэсэн мэтээр үндэслэлгүй, ташаа мэдээ, мэдээлэл цацагдаж байгаад харамсаж байна.Тус банк нь цаашид харилцагч нарын эрэлт хэрэгцээнд нийцсэн банкны бүтээгдэхүүн, үйлчилгээг тасралтгүй, найдвартай, эрсдэлгүйгээр хүргэн ажиллах болно” гэжээ. 

Онцлох нийтлэлүүд